ÍBV hefur sýnt frábæran árangur í Pepsi deildinni í sumar og hafa verið að skiptast á við Breiðablik um toppsætið. Nú sitja þeir einir í toppsætinu með þriggja stiga forystu. Eins og bent hefur verið á með ÍBV þá verma þeir toppsætið í Pepsi deildinni yfir Þjóðhátíðina líkt og þeir gerðu árið 1998, sama  ár urðu þeir Íslandsmeistarar. Gerist það sama í ár? En hvað með KFS?

Það má segja það sama með KFS. Árið 2002 var KFS í öðru sæti síns riðils yfir Þjóðhátíðina, á eftir Fjölni. Eins og frægt er orðið sigraði KFS 3. deildina sama ár eftir einn ótrúlegasta úrslitaleik í manna minnum. KFS sigraði þá Fjölni eftir vítaspyrnukeppni.

 Hvað gerir liðið í ár? Þess má þó geta að tölfræðin það ár eftir Þjóðhátíð var ekki sérstök, liðið fékk aðeins eitt stig. Vonandi verður sú tölfræði ekki uppi á teningnum í ár.