Á morgun laugardag, er fyrsti leikur KFS á þessu tímabili. Er það leikur í fyrstu umferð í Valitor bikarnum.

 Næsti leikur KFS í Lengjubikarnum er á sunnudaginn gegn Hvíta riddaranum og fer leikurinn fram á Varmárvelli og hefst kl. 14.

   Í gær, fimmtudaginn 1. mars, lést Eyjamaðurinn Steingrímur Jóhannesson á 39 aldursári. Steingrímur hefur síðustu misseri háð harða baráttu við krabbamein og barðist hann allt til dánardags. 

Á ársþingi KSÍ sem fram fór um sl. helgi lá fyrir tillaga frá Leikni R. og KB um fjjölgun deilda í Íslandsmóti karla þannig að við bætist ein deild þannig að núverandi fyrirkomulag 3. deildar verði fyrirkomulag 4. deildar á næsta ári. 

Forráðamenn KFS senda leikmönnum, stuðningsmönnum og öðrum landsmönnum hugheilar jóla- og nýárskveðjur með þakkir fyrir samstarfið á árinu sem er að líða. Megi árið 2012 vera okkur öllum gæfuríkt.

Föstudaginn 30. des. hyggur smíðaklúbburinn Þumalputtar ásamt ÍBV á að halda
styrktarmót í knattspyrnu fyrir markahrókinn Steingrím Jóhannesson. Öll innkoma af
mótinu rennur óskipt til Steingríms sem berst við krabbamein.



 

Góðir hálsar. Lokahóf KFS verður haldið næsta laugardag 8. október. Eins og mörg undanfarin ár verður þetta hið glæsilegasta hóf þar sem við munum skemmta okkur saman.

Þar sem síðasta frétt á síðunni var um leik gegn KV er tilvalið að næsta frétt verði um leik gegn sömu andstæðingum.

Í fyrsta heimaleik sumarsins í dag, laugardag, mun KFS leika í nýjum búningum. Gömlu búningarnir eru komnir til ára sinna og var kominn tími á nýtt búningasett. Nýir búningar eru í nýjum litum.

Þá eru bara tveir dagar í veisluna miklu, knattspyrnuleikur um daginn og svo lokahófið um kvöldið. Dagskráin er að taka á sig mynd og í fyrsta skipti í mjög langan tíma verður aðkeypt skemmtiatriði. Þá mun Einsi Kaldi sjá um matinn eins og svo oft áður. Lokahófið er í sal Eyjabústaða.

Á laugardaginn kemur verður afmælisleikur Íþróttafélagsins Framherja og Knattspyrnufélagsins Smástundar, en þessi lið eiga 20 ára afmæli í ár. Þá ætla margir af þeim leikmönnum sem gerðu garðinn frægan með þessum liðum að fá lánaða skó og sýna áður óséða takta.

Þá er búið að ákveða dagsetningu fyrir lokahóf KFS og verður það haldið laugardaginn 23. október. Það verður mikið um dýrðir eins og ávallt og þennan sama dag er ætlunin að halda uppá 20 ára afmæli Framherja og Smástundar. Setja á upp leik milli félaganna og draga fram þá leikmenn sem léku með liðunum á árum áður. Taka svo gott kók og prins um kvöldið. Vonandi að sem flestir geti mætt.

Kóngurinn (Hlynur Stef) er 45 ára í dag, 8. okt. Hlynur sem er síungur náði því miður ekki að spila með KFS í sumar en að hans sögn er ekki einu sinni kominn hugmynd að hillu undir skóna. Því má áætla að hann spili með okkur næsta sumar. Hlynur ætlar að halda afmælisveislu á laugardaginn og kemst því miður ekki að lokahófið okkar. En við hugsum til hans þegar við blöndum í kókið!

Lokahóf KFS verður haldið í sal Eyjabústaða laugardaginn 10. október.

Eins og venjulega eru allir leikmenn, æfingarfélagar, tipparar og stuðningsmenn KFS velkomnir ásamt mökum.
Sérstaklega er skorað á gamla leikmenn KFS að taka fram bingógallann og mæta á svæðið.

Þetta er partý fyrir alla félagsmenn og maka þeirra!

Húsið opnar kl. 19:30 og byrjar dagskráin kl. 20:00.
 

Stefnt verður að því að halda veglegt lokahóf KFS laugardaginn 10. október nk. Dagsetningar í september virðast ekki henta nógu vel og vonandi komast sem flestir þennan dag.  Menn hafa þá einn mánuð til að undirbúa komu sína á lokahófið. Allir að taka daginn frá.

KFS lék fyrri leik sinn í 8-liða úrslitum gegn Hvíta riddaranum í gær, laugardag. Leikið var á gervigrasinu að Varmá í Mosfellsbæ, ekki tókst að fá leikinn spilaðan á grasi. Bæði lið voru óvön því að spila á gervigrasi og mátti sjá það á leik liðanna.

Nú er ljóst hvaða lið munu mætast í 8-liða úrslitum 3. deildar. KFS mætir Hvíta riddaranum sem endaði í 2. sæti í C-riðli, tryggði sér sæti í úrslitum með sigri í síðasta leik sínum. Liðið er úr Mosfellsbæ og leikur sína heimaleiki á gervigrasvellinum að Varmá í Mosfellsbæ.

KFS lék síðasta leik sinn í riðlakeppninni á föstudagnn var gegn nágrönnum sínum í KFR. Viðureignir þessara liða í sumar hafa verið jafnar. Fyrri leikurinn heima endaði 1-1 en KFS sigraði 0-2 á Hvolsvelli. Þessi leikur var nokkuð jafn og var jafnt í hálfleik. Sindri segist samt hafa skorað mark í fyrri hálfleik sláin inn, en það var ekki tekið gott og gilt enda maðurinn þegar búinn að skora fjögur mörk sem er meira en venjulegt getur talist.

Nú eru komnar inn myndir úr leik KFS og KB sem fram fór einn blíðviðrisdaginn í júlí. Þar má sjá hverjir voru að standa sig og hverjir ekki! Margt merkilegt gerðist nú í þessum leik, t.d. skoruðu Sindri og Doddi báðir í leiknum, eitthvað sem gerist nú mjög sjaldan. Þá skoraði Davíð ekki sem er reyndar ekki frétt. En kíkið á myndirnar, eru undir Myndir/2009.

KFS.is er búið að setja inn nýjasta myndbandið. Þar eru mörkin sýnd úr stórsigrinum á Augnabliksmönnum sem fram fór á miðvikudaginn í síðustu viku. Hægt er að skoða myndbandið undir fréttinni með leiknum og einnig á YouTube svæði KFS.

Þá er búið að setja inn YouTube myndbandið frá leik KFS og Álftanes sem leikinn var síðasta föstudag. Hægt er að skoða myndbandið á YouTube horni KFS eða með því að skoða fréttina um leikinn hérna á síðunni.

KFS tekur á móti liði Álftanes í kvöld á Helgafellsvelli kl. 19. Um toppslag er að ræða, en KFS er í efsta sæti B-riðils 3. deildar og Álftanes í 2. sæti. KFS hefur sýnt góða frammistöðu fram til þessa og hafa ekki tapað leik í sumar. Vonandi verður það óbreytt eftir leikinn í kvöld. Hvetjum alla til að kíkja á völlinn.

Þá er myndbandið komið úr leik KFS og Þrótt Vogum sem fram fór á mánudaginn, 6 júlí. Leikurinn endaði 5-0 fyrir KFS og eru öll mörkin, og helstu atriði leiksins sýnd á myndbandinu. Hægt er að sjá myndbandið á YouTube síðu KFS, og einnig er það komið hjá umfjölluninni um leikinn. Sjá hérna.

Núna hefur KFS.is opnað síðu á YouTube þar sem hægt verður að skoða mörkin, færin og helstu atriði í heimaleikjum sumarsins. Komið er inn myndband frá fyrsta og eina heimaleik KFS í sumar, sem spilaður var á móti Augnabliki þann 21. maí. Hægt er að skoða myndbandið undir leiknum (smella hérna) og fara neðst á síðuna.