Síðari leikur þessara liða fer fram á Selfossvelli í kvöld kl. 20. Verður spilað á gervigrasinu. Árborg vann fyrri leikinn 0-2 á Hásteinsvelli og því bíður KFS erfitt verkefni í kvöld. Hvetjum alla Eyjamenn sem eru á ferðinni að kíkja við á Selfossvelli og hvetja strákana í KFS áfram. Leikurinn gæti farið í framlengingu og vítaspyrnukeppni.

Með útisigri gegn Ægi í síðasta leik riðlakeppninnar, tryggði KFS sér sæti í úrslitakeppni 3. deildar. Úrslitakeppnin hefst á laugardag og er spilað heima og heiman. KFS mætir liði Árborgar sem burstaði sinn riðil og tapaði aðeins einum leik. Fyrri leikur liðanna fer f ram á Hásteinsvelli og verður flautað til leiks kl. 15:30.

Á morgun, sunnudag, kl. 14 tekur KFS á móti liði Afríku í næst síðasta leik riðlakeppninnar. Eftir leiki gærdagsins er KFS í fjórða sæti en á leik inni á liðin fyrir ofan. Með sigri færi KFS í annað sæti, en það gefur sæti í úrslitakeppninni.